దేవేందర్‌గౌడ్‌తో రేవంత్‌ భేటీ



హైదరాబాద్‌: తెదేపా సీనియర్‌ నేత దేవేందర్‌గౌడ్‌ను ఆయన నివాసంలో మల్కాజ్‌గిరి కాంగ్రెస్ లోక్‌సభ అభ్యర్థి రేవంత్ రెడ్డి శనివారం కలిశారు. లోక్‌సభ ఎన్నికల్లో తనకు మద్దతు ప్రకటించాలని కోరినట్లు రేవంత్ రెడ్డి తెలిపారు. పెద్దల నుంచి మద్దతు తీసుకుంటే తెరాసను ఓడించడం సునాయాసం అవుతుందన్నారు. అందులో భాగంగానే ఇప్పటికే ప్రజా గాయకుడు గద్దర్, తెజస పార్టీ అధ్యక్షుడు కోదండరాంను కలిశానని చెప్పారు. ఇప్పుడు దేవేందర్‌ గౌడ్‌ను కలిశానని పేర్కొన్నారు. తాను కలిసిన వారంతా సానుకూలంగా ఉన్నారని రేవంత్ రెడ్డి అన్నారు. ప్రముఖులందరినీ కలుపుకొని ప్రచారంలో ముందుకెళ్తానని చెప్పారు.